Sunday, February 10, 2008

နမိတ်တဘောင် အဆိုးဆောင်နေတဲ့ မြန်မာပြည်။


လင်းတနားနမိတ်။

ကျနော်တို့မြန်မာ့ရှေးရိုးအယူအဆမှာ တစပြင်နဲ့ တောတောင်မှာသာ ကျင်လည်ကျက်စားတတ်တဲ့ အနိဋ္ဌကောင် လင်းတ(လဒ) ဟာ ဘယ်လိုပုံစံမျိုးနဲ့မှ အကောင်းမြင်မပြခဲ့ပါဘူး။ ၂၀၀၇ နှစ်ဆန်းပိုင်းမှာ ရန်ကုန်မြို့ ရွှေဂုံတိုင်တာဝါမှာ လင်းတနားခဲ့တာကို အစိုရအလိုတော်တွေက ဟိမ၀န္တာဆောင်းခိုငှက်လို့ ပြောဆိုခဲ့ကြတယ်။ အဲဒီမှာ ကမ္ဘာတုန်အောင် လှုပ်ခတ်ခဲ့တဲ့ ရွှေဝါရောင် တော်လှန်ရေးကြီး ဖြစ်လာခဲ့တယ်။ အခုလည်း ၂၀၀၈ ခုနှစ်ဆန်းပိုင်းထဲမှာဘဲ ဗဟန်းမြို့နယ်မှာ နောက်ထပ်တစ်ကြိမ် လင်းတ ထပ်နားပြန်တယ်။ ဒီတခါတော့ ဆောင်းခိုငှက်လို့ မျက်လုံးစုံမှိတ် ငြင်းဦးတော့ ဆင်ခြေမခိုင်တော့ပါဘူး။ တစပြင်နဲ့ တောတောင်မှာဘဲ ကျင်လည်တတ်တဲ့ လင်းတဟာ လူနေအရပ်ဖြစ်တဲ့ မြို့ရွာတွေကို နှစ်ရာချီကြာမြင့်ဦးခိုနားတတ်တဲ့ သတ္တ၀ါ မဟုတ်ပါဘူး။



နဂါးမီးတောင် ရခိုင်ပြည်။

ရခိုင်ပြည်ရဲ့ အထင်ကရဖြစ်တဲ့ နဂါးရွံ့မီးတောင်ဟာ ဆယ်စုနှစ်များစွာတိုင်အောင် ထင်ရှားစွာ မီးအန်လေ့မရှိပါဘူး။ အခုပြီးခဲ့တဲ့ ၂၀၀၇ ခုနှစ်ထဲမှာ မီးတောက်ခပ်မြင့်မြင့် အန်ထုတ်ခဲ့ပါတယ်။ ပြီးတော့ မဟုတ်မခံစိတ်ဓါတ်ရှိတဲ့ ရခိုင်သားတွေနဲ့ သံဃာတွေစတင်လို့ ရွှေဝါရောင်တော်လှန်ရေးကို စတင်လို့ အာဏာရှင်တွေ ရဲ့ မတရားအမိန့်တွေကို ဖီဆန်ခဲ့ကြတယ်။ အခု ၂၀၀၈ မှာလည်း မနှစ်ကထက် လွန်လွန်ကဲကဲထပ်မံ အန်ထုတ်လိုက်ပြန်ပြီ။ ဒီတစ်ခါတော့ ရခိုင်သားတို့ရဲ့ စိတ်ဓါတ်ကို သမိုင်းမှာ မှတ်တမ်းထပ်ရေးလိမ့်ဦးမယ်။

၈ ဂဏန်း။

၈-ဂဏန်းဟာ သစ္စာတရားနဲ့ ဖြောင့်မတ်မှန်ကန်မှုရဲ့ အင်အားပါ။ မတရားမှုနဲ့ အဂတိကို ဘေးအန္တရာယ်ကြီးမားစေပါတယ်။ အခုလည်း ၂၀၀၈ ခုနှစ် စစခြင်းမှာဘဲ ပြည်သူအပေါင်းကို သဘာဝမကျတဲ့ အကြောင်းပြချက်နဲ့ စိတ်အနှောင့်အယှက်ဖြစ်စရာ ၈-ပေစလောင်းကိစ္စ စတင်ကိုင်တွယ်လိုက်ပါတယ်။ ဒါဟာ စစ်အစိုးရ အနေနဲ့ ကံကြမ္မာအမှားကို စတင်ဖွင့်လှစ်လိုက်တဲ့ သတိပေး သံချောင်းခေါက်သံပါဘဲ။ နောက် TV.4 ကို အဆင့်မြှင့်ဖို့ခဏတာရပ်နားပြုပြင်ပြီးမှ ပြန်လွင့်မယ်တဲ့။ ဘယ်လိုဘဲ ကလိန်စေ့ငြမ်းဆင် အကြံတွေထုတ်ထုတ် ဒုက္ခဆိုတာ အပေါင်းအသင်းနဲ့ ရောက်လာနေကျပါ။ ၈-ဂဏန်းဟာ ၄-ဂဏန်းနဲ့ ဒုက္ခညီအစ်ကို ဖြစ်လာမှာပါ။

စက်သုံးဆီ။

ရေနံစ်ိမ်းတစ်စည်ကို ရ၃-ဒေါ်လာ ဖြစ်နေလို့ အရှုံးခံရောင်းချမပေးနိုင်လို့ ဈေးတက်ခဲ့ရတာပါဆိုတဲ့ အစိုးရ ။ အခုရေနံစိမ်း တစ်စည်ကို ဒေါ်လာ ၁၀၀ နီးပါးဖြစ်နေပြီ။ နောက်နှစ်လည်လောက်မှာ ၁၁၀ လောက်အထိတက်မယ်လို့ စီးပွားရေးပညာရှင်တွေက ခန့်မှန်းထားကြတယ်။ ကဲ ... စားဝတ်နေရေးအတွက် ငွေကြေးလည်ပါတ်မှု ပြဿနာကို ဖြေရှင်းမပေးဘဲ ဆီဈေးတစ်ခုတည်း သီသန့်တက်ခဲ့တဲ့ တပ်ချုပ်ကြီးရေ .. အခုရော ဆီဈေးကို ဘယ်လိုကိုင်တွယ်မယ်ဆိုတာ မေးပါရစေ။

တပ်ချုပ်ကြီး သောကြာသားကြီး သူ့ရဲ့ဇာတာ ကံကြမ္မာကတော့ နိမ့်ကျနေလိုက်တာ အ၀ီစိကိုထိုးထွင်းဆင်းဖို့ ပြင်နေခဲ့ပြီ။ သောကြာသားကြီး အသက်က ၇၅၊ နောက် ၇၆၊ ၇၇၊ ၇၈ အဆိုးကြီးဘဲဖြစ်နေတယ်။ အနာဂတ်လှစရာ မရှိပါဘူး။ အကုသိုလ်လည်း ကြီးခဲ့လေတော့ ကံကြီးထိုက်တော့မယ် လေ။ တပ်ချုပ်ကြီး ရဲ့ နောက်ဆုံးနေ့ရက်များဆိုတဲ့ စာမျက်နှာမှာ ကံကြမ္မာက အခြွေအရံတွေကို တစ်စစီဖဲ့ထုတ်နေပြီ။ ဆွေမျိုးသားမြေးတွေ ဒုက္ခနဲ့ စတွေ့နေပြီ။ ကံကြီးထိုက်တဲ့ အရသာစတွေ့နေပြီ။ အန္တရာယ်က လှိုက်စားရင်း သူကရော ၇၈ နှစ်အထိ ခံပါ့မလား။ အခုလား၊ တော်ကြာလား။

မနှစ်က မြန်မာတိုင်းမှာ အင်္ဂလိပ်အက္ခရာနဲ့ သန်းရွှေလူသတ်သမား ရယ်လို့ သရော်တာခံခဲ့ရတယ်။ တကယ်ဘဲ ရွှေဝါရောင်တော်လှန်ရေးဆိုပြီး ပေါ်ပေါက်အလာမှာ စာသားထဲကအတိုင်း သတ်ဖြတ်ခဲ့စေတယ်။ အခု ၂၀၀၈ ထဲမှာ အာဏာရူးကြီးသန်ရွှေ ဆိုတဲ့အသံက အရင်ထက် လျှံထွက်လာပြန်ပြီ။ ပညတ်သွားရာ ဓါတ်သက်ပါ၊ ရူးမှာဘဲ။ ရူးတဲ့ဝေဒနာ ယဉ်ယဉ်လေးတော့လာလိမ့်မယ် မထင်ဘုး။ သွက်သွက်ခါအောင် ရူးလိမ့်မယ်။

ကမ္ဘာမှာ အမေရိကန်တို့ရဲ့ သမ္မတရွေးကောက်ပွဲကစိတ်ဝင်စားစရာတစ်ခုပါဘဲ။ ဘာလို့လဲဆိုရင် အမေရိကန် သမ္မတတွေရဲ့ နံမည် (ပညတ်) နဲ့ လုပ်ဆောင်ချက်တွေဟာ တိုက်ဆိုင်လွန်းလို့ပါ။ ကလင်တန် လက်ထက်မှာ အိမ်ထောင်ရေးအနံ့ထွက်ခဲ့သလို၊ ဘုခ်ျတို့ သားအဖလည်း လက်သံပြောင်ခဲ့ကြတယ်။ အခုသမ္မတနေရာမှာ ရှေ့ကပြေးနေတာ "အိုဘားမား" သူသာတကယ်လို့ သမ္မတ ဖြစ်သွားခဲ့ရင် ၊ အိုး ! ဘားမား လို့ အံ့အားသင့်ရေရွတ်လောက်အောင် ဘာတွေများ ပြောင်းလဲသွားမှာလဲ။

တကယ်တော့ တပ်ချုပ်ကြီးဟာ ဗိုလ်ချုပ်အောင်ဆန်းရဲ့ အဆက်အနွယ် အရိပ်ကို ဖျောက်ဖျက်ဖို့ ဘယ်လိုကြိုးစားကြိုးစား မရပါဘူး။ ဘာလို့လဲ ဆိုရင် သူနဲ့အရင်းနှီးဆုံး သူ့လက်ရုန်းကိုယ်တိုင်ရဲ့ နာမည်က ဗိုလ်ချုပ်ရဲ့ တော်လှန်ရေးကာလကနာမည် ဗိုလ်တေဇရဲ့ လောင်းရိပ်ခံ နံမည် ဖြစ်နေလို့ပါဘဲ။ ဗိုလ်ချုပ်ရဲ့ အရိပ်ကိုဖျောက်ချင်ရင် တေဇကိုသတ်မှ ရမယ်ထင်ပါရဲ့။ နံမည်ပြောင်းလည်း ဓါတ်သက်မ၀င်တော့ပါဘူး။ ဒီလူက ပညတ်နံမ ၁၂-နှစ်ကျော်ခဲ့ပြီလေ။ ကဲ တေဇကို သတ်မှာလား။ တေဇကဘဲ တပ်ချုပ်ကြီးဖြေမရအောင် သင်ခန်းစာကောင်းကောင်းပေးခဲ့မှာလား။ ကာယကံရှင်များမှာတော့ အကြံရှိကောင်းရှိမယ်ထင်ပါရဲ့။

အချုပ်ဆိုရရင် -

တပ်ချုပ်ကြီးရဲ့ ကံကြမ္မာကရော ၊ မြန်မာပြည်ရဲ့ ကံကြမ္မာကပါ ပြီးခဲ့တဲ့နှစ်ထက် ၂၀၀၈ မှာ တိုက်ပွဲပိုမိုကြမ်းတမ်းမဲ့ နမိတ်လက္ခဏာတွေပါ။ အတိတ်ကံလက်ကျန်ရှိသရွေ့ ယတြာတိုးပေမယ့် အတိတ်ကံမကျန်ရင် ယတြာမခံနိုင်တော့ပါဘူး။ လက်ရှိ ဇီဝလောင်စာကို အကြောင်းပြုပြီး ကြက်ဆူဆီဆိုက်တာ ဗေဒင်အတတ်နဲ့ကြည့်ရင် သွက်သွက်ခါအောင်မှားယွင်းနေပါရော၊ ကြက်ဆူဆီထွက်လို့ အပင်ကောင်းလေ ၊ သန်လေ ၊ အဲဒီသောကြာသားမှာ သွေးတိုး၊ ချိနဲ့ခြင်း၊ လေဖြန်းခြင်း၊ အသံအိုး နှင့် လည်ချောင်း၊ သွား၊ ကျောက်ကပ် စတဲ့ရောဂါတွေ ပိုမိုဖိစီးလာပါလိမ့်မယ်။ ဆီအုန်းရွေးခဲ့မိတောင် ဒီလောက်မဆိုးပါဘူး။ အခုတော့ ကြက်ဆူပင်တောမှာ မင်းမူနေတဲ့ ရှင်ဘုရင်ဆိုပြီး နောင်လာနောင်သားတွေကို ပြောရတော့မယ်ထင်ပါရဲ့။ တပ်ချုပ်ကြီးအနေနဲ့ ကြက်ဆူဆီနဲ့ ဘရိတ်ဖမ်းလည်း မနှေးအမြန်မြန်းစရာက မရဏ မှတပါး အခြားမရှိတော့ပါ။

(ရေးသားသူ - ကဒေါင်းသစ်)။

 
/* EOT ----------------------------------------- */