ခေါင်းဆောင်ကောင်းကို အတွင်းမှာရှာ ( ညီညွတ်ခြင်း အပိုင်း ၃)

Unity Part III ကို ဆက်ပြီး ရေးမိပြန်ပါပြီ။
ဆရာလုပ်နေသည်ဟု မယူဆစေချင်ပါ။ ရင်ထဲမှ ပေါက်ဖွားလာသော စေတနာကို မြင်စေချင်ပါသည်။ မသိသူများဟု ယူဆ၍ ရေးနေခြင်းမဟုတ်။ (သိသူများ၏) သိပြီးသား အသိပညာတွေကို ပြန်၍ အစဖော်နေခြင်းသာ ဖြစ်ပါသည်။

နအဖသည် ပညာဥာဏ်ကြီးသူများကို အလွန်ကြောက်သည်။ သူတို့က ပညာဥာဏ်မဲ့သူ (ဗာလာနံ) လူမိုက်တွေ ဖြစ်နေသည့်အတွက် (ပညာကို ကြောက်သည်။ ပညာမရှိ။) ထို့ကြောင့် လက်နက်ကို အားကိုးသည်။ ခွန်အားကို အားကိုးသည်။ အကြမ်းဖက်ခြင်းကို (၉၆) ပါး ရောဂါ ကုစားစရာဆေးအဖြစ် သုံးနေကြသည်။ ဒါ လူမိုက်လက္ခဏာများပင်။

" ကိုယ်တည်းတစ်ယောက်၊ ဆင်းရဲရောက်၍
ကိုယ့်နောက်အများ၊ ချမ်းသာပွားမူ
တစ်ပါးဖြစ်ထွေ၊ ဆင်းရဲစေတော့။ "

ဆိုသည့်အတိုင်း အများအတွက် မိမိအသက်ကို စွန့်ဝံ့တဲ့ ဘုရားအလောင်း မျောက်မင်းလို ပညာရှိ ခေါင်းဆောင်များ၏ ခေါင်းဆောင်မှုဖြင့် ပြည်သူအများ အသိဥာဏ်နိုးကြား၍ ခေါင်းထောင်လာမည်ကို အလွန်ကြောက်သည်။ အမှားပေါင်းစုံ ကျူးလွန်ထားသူပီပီ ကိုယ့်အရိပ်ကိုယ် လန့်နေကြသည်။

ဒေါ်အောင်ဆန်းစုကြည်၊ ဦးဝင်းတင်၊ ဦးတင်ဦး၊ ကိုမင်းကိုနိုင် . . . . . အစရှိတဲ့ . . . အများအတွက် မိမိတို့ရဲ့ အသက်တွေ၊ ဘ၀တွေကို စွန့်လွှတ်ရဲတဲ့ ပညာရှိခေါင်းဆောင်များကို (ဗာလာနံ - နအဖ) တို့က ချုပ်နှောင်ဖမ်းဆီးထားပြီး လူထုခေါင်းဆောင် ပျောက်အောင် လုပ်ထားခြင်းအားဖြင့် သူတို့လိုရာကို လုပ်ဆောင်နိုင်မည်ဟု ယူဆကြသည်။

ဒီ လူမိုက်တွေ ပြည်သူလူထုကို အထင်သေးလွန်းသည်။ သူတို့က လူမိုက်များပီပီ ရုပ်ဝတ္ထုများကိုသာ မြင်တတ်ကြသည်။ (ပုဂ္ဂိုလ်/ရုပ်ဝတ္ထု) များ ဖြစ်ကြတဲ့ ဒေါ်စု၊ ….. ကိုမင်းကိုနိုင် တို့မရှိလျှင် လူထုကြီးတွင် ခေါင်းဆောင်ကောင်း မရှိနိုင်တော့ပြီ။ ခေါင်းဆောင်ကောင်းများ မရှိတော့လျှင် ဒီဗမာနိုင်ငံကို သူတို့ လူမိုက်တွေ ထင်သလို ခြယ်လှယ်နိုင်မည်ဟု ထင်နေကြသည်။ အလွန် သနားစရာကောင်းတဲ့ နအဖ ပင် ဖြစ်ပါသည်။ ပညာဥာဏ်မဲ့လွန်းလှသည်။

ဤတိုင်းပြည်ကား ထေရ၀ါဒ ဗုဒ္ဓဘာသာ ထွန်းကားသော တိုင်းပြည်ဖြစ်သည့်အလျှောက် ဗုဒ္ဓ၏ သမ္မာဒိဋ္ဌိအမြင်ဖြင့် အသက်ရှင်နေကြသော ဗုဒ္ဓဘာသာဝင်စစ်စစ်များ များစွာရှိသည်ကို သူတို့လို ဗုဒ္ဓဘာသာဝင်အယောင်ဆောင် မိစ္ဆာဒိဋ္ဌိများ မသိနိုင်၊ နားမလည်နိုင်ကြပါ။ (ဒွိဟိတ်) လူသား သူတို့ကိုယ်တိုင်ပင် သနားစရာဖြစ်နေမှန်း သိပင်မသိနိုင်ဘဲ သူတို့ကိုယ်သူတို့ လူတော်များဟူ၍ သွေးနားထင်ရောက်နေကြသည်။

ကျနော်တို့၏ ခေါင်းဆောင်ကောင်းများကား ကျနော်တို့ကိုယ်စီ၏ (အဇ္ဈတ္တ) အတွင်းစိတ်သန္တာန်တွင် ရှိကြသည်ကို သူတို့မသိ ……. လူတစ်ဦးချင်းစီ၏ ခေါင်းဆောင်ကောင်းများသည် အပြင်မှာ မဟုတ်ပါ။ အတွင်းမှာသာ ဖြစ်သည်။

ဒေါ်စုကို ဖမ်းထားလို့ကော ကျနော်တို့မှာ ခေါင်းဆောင်မရှိတော့ဘူးလား …. ဦးဝင်းတင်၊ ဦးတင်ဦးတို့ကို ဖမ်းထားလို့ကော ကျနော်တို့မှာ ခေါင်းဆောင်မရှိတော့ဘူးလား …. ကိုမင်းကိုနိုင်တို့ကို ဖမ်းထားလို့ကော ကျနော်တို့မှာ ခေါင်းဆောင်မရှိတော့ဘူးလား ….

ပညာရှိသော ကျနော်တို့ တစ်ဦးစီ၏ အတွင်းစိတ်သန္တာန်တို့သည် ကျနော်တို့၏ ခေါင်းဆောင်ကောင်းများပင် ဖြစ်သည်။

ထိုအတွင်းစိတ်၏ ခွင့်ပြုမိန့်ဖြင့် ကျနော်တို့ လှုပ်ရှားရုန်းကန်နေခြင်းမျှသာ . . . ဒါက မြတ်ဗုဒ္ဓ၏ အဆုံးအမ . . . နာမ်သတ္တိက စေ့ဆော်မှ ရုပ် လှုပ်ရှားရသည်ချည်းသာ။ ပညာမဲ့သူတို့သည် ပြင်ပခေါင်းဆောင်ကိုသာ မြင်ပြီး ပညာရှိသူတို့က မိမိ၏ ဥာဏ်ပညာသည်ပင်လျှင် (အကောင်းအဆိုး၊ အကြောင်းအကျိုး၊ အမှားအမှန်ကို ဝေဖန်ပိုင်းခြားသိသော အသိဥာဏ်သည်ပင်) ခေါင်းဆောင်ကောင်း ဧကန်ဖြစ်သည်ဟု …. သိရှိကြသည်။

(ကျနော်တို့ ဒေါ်စု၊ …. ကိုမင်းကိုနိုင်တို့ မရှိလျှင် ဘာမှ မလုတ်တတ်တော့ဘူးလား။ ဘာမှ မလုပ်နိုင်တော့ဘူးလား)
မဟုတ်ပါ။ လူတိုင်း ကိုယ်စီ ကိုယ်လုပ်နိုင်သည့် တရားသော ရင်ဆိုင်တိုက်ပွဲဝင်မှုကိုယ်စီကို ပညာဥာဏ်နှင့် အချိန်တိုင်း လုပ်နိုင်ပါသည်။

(သတိပြုရမည်မှာ - ဓမ္မဖြစ်ဖို့လိုသည်။)
အဓမ္မကို တိုက်ပွဲဝင်ဖို့ ဘယ်သူ့ကိုမှ မေးမနေပါနဲ့။ သူတပါး၏ တွေးထင်မှုက မိမိရဲ့အမှန်တရား မဖြစ်နိုင်ဘူး။ မိမိရင်ထဲက ဓမ္မနဲ့ယှဉ်တဲ့ (တရားရဲ့လား၊ မှန်ကန်ရဲ့လား၊ ဘယ်လောက်အကျိုးရှိသလဲ၊ ဘယ်လောက်အကျိုးမဲ့နိုင်သလဲ) ဆိုတဲ့ မေးခွန်းတွေ ကိုယ်တိုင်ပြန်မေး။ ပြီးတော့ လုပ်နိုင်တာမှန်သမျှကို အကောင်းဆုံးနဲ့ အထိရောက်ဆုံး လုပ်၊ အဖွဲ့အစည်းမရှိလို့၊ ခေါင်းဆောင်မရှိလို့ အားငယ်စရာမလိုဘူး။ ကိုယ့်ရင်ထဲက ဓမ္မနဲ့ယှဉ်တဲ့ဥာဏ်ကို ခေါင်းဆောင်တင်။ ပြီးတော့ လုပ်နိုင်တာမှန်သမျှ အကောင်းဆုံးသာ လုပ်ပေတော့။

"အဓမ္မ" တွေ မလွှမ်းမိုးဖို့ အမျိုး၊ ဘာသာ၊ သာသနာအတွက် "ဓမ္မ" အတွက်ဆိုတဲ့ နှလုံးသွင်းမှုနဲ့ အင်အားကို အကုန်သုံး။ အဲဒီလို "ဓမ္မ" အတွက်ဆိုတဲ့ ဦးတည်ချက်နဲ့ တမျိုးသားလုံး၊ ပြည်သူလူထုတရပ်လုံး တက်ညီလက်ညီ ကိုယ်နိုင်ရာ တာဝန်ကို ကိုယ်စီ ယူကြမယ်ဆိုရင် . . . . . . . . . . . . .

မိစ္ဆာဒိဋ္ဌိတွေ ယူဆသလို ပြင်ပခေါင်းဆောင်မရှိတော့ရင် သူတို့နိုင်ပြီ၊ သူတို့လုပ်ချင်ရာလုပ်လို့ရပြီလို့ တွက်ချက်မှုဟာ မှန်နိုင်ပါတော့မလား။ နေရာတိုင်းက တိုက်နေတဲ့ ပြောက်ကျားစစ်ဆင်မှုကို ခံနိုင်ပါ့မလား။

ကလျာဏအနွယ်ဝင် သူတော်စင် ပညာရှိအပေါင်းတို့ ခင်ဗျား ….. မိစ္ဆာတွေကို တွန်းလှန်ဖို့ ကိုယ့်အတွင်းသန္တာန်က ခေါင်းဆောင်ကောင်းနဲ့ လူတိုင်းကိုယ်စီ နိုင်ရာဝန်ထမ်းရင်း တက်ညီလက်ညီ တော်လှန်ကြပါစို့။