တောမီးလောင်ရင် တောကြောင်လက်ခမောင်းခတ်လိမ့်မယ်( ညီညွတ်ခြင်း အပိုင်း ၂)

Unity Part II အနေနဲ့ ဆက်ပြီး တော်လှန်ရေး "သတိ" ရှိကြဖို့အကြောင်း ကျနော် ဥာဏ်ရှိသလောက်ဆက် လက် တင်ပြဆွေးနွေးလိုက်ပါတယ်။

" လိုက ယူ၊ မလိုက ပယ်၊ မှားနေရင် ပြင်" ပြီးတော့ ဖြည့်စွက်တွေးတောပေးကြပါ .. .. ..။

အခုတလော လှုပ်ရှားမှုတွေကို စံနစ်တကျ အများဆုံးလုပ်နေတာ ဘယ်သူတွေလဲ? ဒီမေးခွန်းမှာပါတဲ့ "စံနစ်တ ကျ" ဆိုတဲ့ စကားလုံးနဲ့အညီ အဆင့်ဆင့် အမိန့်ပေးစေခိုင်းသမျှကို ညီညီညွတ်ညွတ် လုပ်နေတာ ဘယ်သူ တွေလဲ?

အဓမ္မသမားတွေ သူတို့ညီညွတ်နေကြတယ်။ စိုးရိမ်စိတ်တွေ အကြောက်တရားတွေကို ရင်ဝယ်ပိုက် ထား ကြပေမယ့် သူတို့ ညီညွတ်နေကြတယ်။ သူတို့ရဲ့ခေါင်းဆောင်ကြီးက ဗိုလ်သန်းရွေ။ သူ့ကို လျှော့မ တွက်မိစေချင်ဘူး။ ယနေ့ အမြင့်ဆုံးအာဏာကို ကိုင်စွဲထားတဲ့ ဗိုလ်သန်းရွှေဟာ သူလျှောက်ခဲ့တဲ့လမ်းမှာ ဘာ တွေလုပ်ခဲ့သလဲဆိုရင် စိတ်ဓာတ်စစ်ဆင်ရေး တာဝန်တွေ အများဆုံးယူခဲ့တယ်။ အတွေးအခေါ်ပိုင်းကို အများ ကြီးအသုံးပြုခဲ့တဲ့ သူတစ်ယောက်ပဲ။

သူ့ရဲ့ 'အဓမ္မ' တပ်ဖွဲ့ကြီးကို သူကျွမ်းကျင်တဲ့ အတွေးအခေါ် ၀ါဒ ဖြန့်ချိမှုတွေ နဲ့ နိုင်နင်းစွာ အုပ်ချုပ် နိုင်ဆဲပဲ ဖြစ်ပြီး 'ဓမ္မ' ကို စံနစ်တကျ တိုက်ဖျက် ချေမှုန်းနေတယ်။ အခု လက်ရှိအချိန်မှာ သူတို့ဘာလုပ်နေကြလဲ …… ။

သူတို့တွေ အချိန်နဲ့အမျှ လှုပ်ရှားနေတယ်။ ၀ိရိယ စိုက်နေကြတယ်။ အလုပ်တွေ လုပ်နေကြတယ်။ ရပ်မ နေကြဘူး။ ငြင်းခုံမနေကြဘူး။ လုပ်နိုင်သမျှ လုပ်လို့ရသမျှ အချိန်တိုင်းပြီးအောင် လုပ်နေကြတယ်။

၁။ ကောလဟလတွေ ဖြန့်ချိပြီး လူထုကို အာရုံပြောင်းပေးနေတယ်။ ဦးသန်းရွှေ သေပြီဆိုတာမျိုး၊ မေဆွိ သေပြီဆိုတာမျိုး၊ မင်းသားနိုင်းနိုင်းရဲ့ မိန်းမကိစ္စလိုမျိုး၊ တင့်တင့်ထွန်း၊ မျိုးကျော့မြိုင်၊ . . . . . . . . . . စုံလို့ပါပဲ။

၂။ တောနယ်တွေမှာ တစ်အိမ်ထောင်ကို ငွေသုံးသောင်း ပေးပြီး ကြံ့ဖွတ် ၀င်ခိုင်းတယ်။ နောက်ဆိုရင် မြေကွက် တွေ၊ လုပ်ကိုင်စားနိုင်ဖို့ မြေယာတွေ ချပေးမယ်ဆိုတဲ့ မက်လုံးတွေနဲ့ စည်းရုံးရေးဆင်းနေကြတယ်။

၃။ ရပ်ကွက်တွေထဲမှ ငွေရှိ၊ သိက္ခာရှိ၊ သြဇာညောင်းသူတွေကို ရ.ယ.က ဥက္ကဋ္ဌ အဖြစ် တာဝန်ထမ်းရွက်စေပြီး အဲဒီလူရဲ့ သိက္ခာ၊ သမာဓိအပေါ်က အမြတ်ထုတ်ပြီး သူတို့ ကြံ့ဖွတ်တွေကို အကောင်းမြင်လာအောင် အမြင် ပြောင်းတဲ့ အလုပ်နဲ့လည်း စည်းရုံးရေး လုပ်နေကြတယ်။

၎။ ရပ်မိရပ်ဖဆိုတဲ့ အဖွဲ့တွေဖွဲ့စေပြီး အဲဒီအဖွဲ့ဝင်တွေရဲ့ သားသမီးတွေကို အခြေခံ ပညာအ ထက် တန်းအောင်စဉ်က အမှတ်နည်းလို့ တက်ရောက်ခွင့်မရှိတဲ့ အသက်မွေးဝမ်းကျောင်းပညာ ဘာသာရပ်တွေ၊ နိုင် ငံခြားဘာသာသင် တက္ကသိုလ်တွေမှာ တက်ခွင့်ရအောင် အခွင့်အရေးတွေ ပေးပြီး ဆောင်ရွက်ပေးတယ်။ အဲဒီ အတွက် ကြံ့ဖွတ် မ၀င်မနေရ ၀င်ခိုင်းတယ်။ အဲဒီလိုမျိုးနဲ့ စည်းရုံးရေးဆင်းနေတယ်။
အဲလို ရပ်မိရပ်ဖတွေကို သူတို့ အခုလုပ်မယ့် ဆန္ဒခံယူပွဲတွေမှာ မဲရေတွက်တာကို စောင့်ကြည့်မယ့် သမာသ မတ်ရှိတဲ့ ရပ်မိရပ်ဖအနေနဲ့ တာဝန်ပေးမယ်။

၅။ ရပ်ကွက်တွေထဲက ဘာသာရေး အခမ်းအနားတွေမှာလည်း သံဃာအရေးအခင်းတုန်းက သွေးစွန်းထားတဲ့ လက်တွေနဲ့ လူတွေက ရှေ့တန်းကနေ၀င်ပြီး လူမြင်ကောင်းအောင် သူတော်ကောင်းယောင်ဆောင်ပြီး ဘာသာ ရေးနဲ့ စည်းရုံးရေးဆင်းနေကြပြန်တယ်။

ဆက်ပြောစရာတွေ အများကြီးပါပဲ . . . . . . . . . .

အဲဒီလို သူတို့တွေ မရပ်မနားဆိုသလိုပဲ သူတို့ 'အဓမ္မ' ၀ါဒီတွေအတွက် ညီညွတ်စွာနဲ့ အချိန်တိုင်း သူတို့ကိုယ် ကျိုးအတွက် အကျိုးရှိအောင် မနားမနေ လှုပ်ရှားနေကြတဲ့အချိန်မှာ ………..

ကျနော်တို့ "ဓမ္မ" အတွက် ရင်ဆိုင်ကြိုးစား တိုက်ပွဲဝင်နေသူများ (နေ့တိုင်း၊ အချိန်တိုင်း) ဘာတွေ လုပ်ဖြစ် နေပါသလဲ။ တစ်ဦးချင်း ပြန်လည် ဆန်းစစ် စစ်ဆေးရန် လိုအပ်နေပါပြီ။ အချိန်မရှိတော့ပါ။ အချိန်ကုန် ခဲ့တာ တွေလည်း များလှပြီ။ အချိန်တွေ သိပ်နည်းနေပါပြီ။

နအဖ စစ်အာဏာရှင် အုပ်စုက ကျနော်တို့ရဲ့ လူထုခေါင်းဆောင် ဒေါ်အောင်ဆန်းစုကြည်ကို ဘာကြောင့် ပြန်မ လွှတ်ပေးရဲတာလဲ။
အများသိကြတဲ့အတိုင်း ကြောက်လို့ပါ။ ကြောက်လွန်းလို့ပါ။

ဒေါ်စုကို ဘာကြောင့် ကြောက်တာလဲ။ ကျနော်မြင်တာကတော့ "အသိဥာဏ်" ဒေါ်စုရဲ့ အသိဥာဏ်ကို သူတို့ သိပ်ကြောက်တယ်။ နအဖ စစ်အာဏာရှင်အုပ်စု၊ သူတို့ရဲ့ လက်ပါးစေတွေ၊ သာကူးတွေ …"အဓမ္မ" သမားတွေ အားလုံး ကြောက်ဒူးတုန်ကြတယ်။

အဲဒါ အဖြေပါပဲ။ သူတို့ အမှန်တကယ် အကြောက်ဆုံးက အသိဥာဏ် …. ပြည်သူတွေ အသိဥာဏ် ရင့်ကျက် လာမှာကို အကြောက်ဆုံးပဲ။ အဓမ္မသမားတွေ အကြောက်ဆုံးအရာကတော့ ဥာဏ်ဆိုတဲ့အရာပဲ။ ကျနော်တို့ ဗုဒ္ဓဘာသာဝင်တွေကတော့ 'အမောဟ၊ ၀ိဇ္ဖာ' စသဖြင့် သိကြပါတယ်။ တနည်းအားဖြင့် အကောင်းအဆိုး၊ အ ကြောင်းအကျိုး၊ အမှားအမှန်ကို ဝေဖန်ပိုင်းခြား သိမြင်တာကို ဥာဏ်လို့ အဓိပ္ပာယ် ဖွင့်ဆိုရင်လည်း ရပါတယ်။

အဲဒီ ဥာဏ်ဖြစ်ဖို့က သတိရှိဖို့လိုပါတယ်။ အမြဲသတိရှိတဲ့သူဟာ ဥာဏ်ရှိတယ်။ ဥာဏ်ရှိတဲ့သူကို ဥာဏ်မရှိတဲ့ အ ဓမ္မ သမားတွေ ကြောက်ကြတယ်။

ကျနော်တို့ သတိရှိဖို့လိုပါတယ်။

သတိလက်လွတ်ဖြစ်တာနဲ့ တောမီးလောင်သွားလိမ့်မယ်။ တောကြောင်တွေဖြစ်တဲ့ အဓမ္မသမားတွေ လက်ခ မောင်းခတ်လိမ့်မယ်။

မိဘအမျိုးမျိုး၊ ပတ်ဝန်းကျင်အမျိုးမျိုး၊ အသိဥာဏ်ရည်အဆင့်အတန်း အမျိုးမျိုးက မွေးလာကြတဲ့ ကျနော်တို့ဟာ အတွေးအခေါ်၊ အယူအဆတွေ ထပ်တူမကျတာ သဘာဝတရားပါ။

တူလို့ရတာကတော့ သတိပါပဲ။ အမြဲမပြတ် သတိရှိပါ။ အချိန်တိုင်းလုပ်နိုင်တာ ဘာရှိသလဲ။ လုပ်နိုင်တာကို လုပ်ဖြစ်နေဖို့၊ အကောင်းဆုံး လုပ်နေကြဖို့ လိုပါတယ်။ လုပ်ရပ်မတူပေမယ့် ရည်ရွယ်ချက်တူနေပါတယ်။ အဲဒါကတော့ "အဓမ္မ၀ါဒီ" အာဏာရှင်စစ်အုပ်စုကို ဆန့်ကျင် ဖယ်ရှားရေးပါပဲ။ ဓမ္မလွှမ်းမိုးဖို့ တရား တဲ့အလုပ်မှန် သမျှ ကိုယ်လုပ်နိုင်တဲ့ တနိုင်ဝန်ကို လူတိုင်း၊ အချိန်တိုင်း မရပ်မနား လုပ်နေကြဖို့ လိုပါတယ်။

ကျနော်တို့ သတိလက်လွတ် ဖြစ်နေကြသလား။ မေ့မေ့လျော့လျော့နဲ့ အချိန်ဖြုန်းပြီး ငြင်းခုန်ရင်းနဲ့ အင် အားဖြုန်းမိနေကြသလား။ ပြန်ပြီးမေးဖို့ လိုလာပါပြီ။ ရန်သူက မရပ်မနား အလုပ်လုပ်နေတယ်။ ကျနော်တို့က ဘာလုပ်နေသလဲ။

အခြေအနေအလုံးစုံကို ဂဃဏန မသိကြသေးတဲ့ ပြည်သူတွေအတွက် …….
ပြောနိုင်တဲ့သူ၊ ပြောတတ်တဲ့သူတွေက ပြောကြပါ။
ရေးနိုင်တဲ့သူ၊ ရေးတတ်တဲ့သူတွေက ရေးကြပါ။
ဆောင်ပုဒ်တွေ စာရွက်တွေ ဝေနိုင်တဲ့သူက၊ ဝေဖို့တာဝန်ယူနိုင်သူတွေက ဝေကြပါ။

အစရှိသဖြင့်ပေါ့။ နိုင်ရာဝန်ကို ထမ်းပြီးတော့ ပြည်သူလူထုကို အသိဥာဏ်ဖွင့်ပေးကြပါ။ အနည်းဆုံး မတရား တာကို မတရားကြောင်း ဘယ်သူ့ကိုမှ မပြောရဲဘူးဆိုရင်တောင် ကိုယ့်အိမ်မှာရှိတဲ့ မိသားစုဝင်တွေကိုတော့ ပြောနိုင်အောင် စပြီး ကြိုးစားရပါလိမ့်မယ်။

ဘာတွေပဲလုပ်နေနေ ရည်ရွယ်ချက်တူကြပါတယ်။ ဥာဏ်ရည်မတူကြပေမယ့် တော်လှန်ရေးသတိကတော့ တူ နေကြပါတယ်။ ရပ်မနေဘဲ လှုပ်နေဖို့၊ ဆက်လျှောက်နေဖို့ပဲ အရေးကြီးပါတယ်။ အချိန်တိုင်း သတိရှိနေပြီး လုပ် နိုင်တာ လုပ်နေကြမှ အချိန်တိုင်း အကျိုးရှိမှာပါ။ အကျိုးမဲ့ ရပ်မနေကြပါနဲ့။

လှုပ်မနေရင် မြုပ်သွားလိမ့်မယ်။

(ကိုယ်ကျိုးရှာသမား ၀ိသမလောဘသား အဓမ္မ၀ါဒီအုပ်စုက အကျိုးစီးပွား လာဘ်လာဘကို အခြေခံပြီး၊ ညီညွတ် မှု တည်ဆောက်နေကြတယ်။ စည်းရုံးရေးလုပ်နေကြတယ်။)

ကိုယ်ကျိုးစွန့်သူ၊ အများချမ်းသာစေလိုသူ ကျနော်တို့ ဓမ္မ၀ါဒီများက သတိဦးစီးသော အဆင့်မြင့်တဲ့ အသိ ဥာဏ်ကို အခြေခံပြီး သဘော ထား မှန်စွာဖြင့် ဓမ္မစိတ်ဓာတ်၊ ဓမ္မခွန်အားဖြင့် တညီတညွတ်တည်း တွန်းလှန်ကြ ပါစို့ဟု တိုက်တွန်းအပ်ပါသည် ခင်ဗျား။